Прафсаюз аграпрамысловага комплексу ў гэты адказны час веснавых палявых работ праводзіць маніторынг арганізацыі гарачага харчавання аграрыяў.
Асноўная ўвага ўдзяляецца якасці ежы, своечасовасці яе дастаўкі на палі, санітарнаму стану харчблокаў і стварэнню камфортных умоў для харчавання.
– Гарачыя абеды дастаўляюць непасрэдна да месцаў, дзе людзі працуюць, – расказала старшыня раённай арганізацыі прафсаюза работнікаў аграпрамысловага комплексу Ірына Супрановіч. – Меню і смакавыя якасці страў у гаспадарках правяраюцца. Мы разам са спецыялістамі раённага цэнтра гігіены і эпідэміялогіі выязджаем у гаспадаркі, правяраем таксама і стан сталоўак.
Вось і на днях пабывалі ў ААТ «Сцешыцы», «Алая зара», філіяле «Юнік-АГРА», дзе пераканаліся, што пытанню харчавання надаецца належная ўвага. Так яно і трэба, бо слушна кажуць у народзе: як пад’ясі – так і папрацуеш.
Ірына БУДЗЬКО/ Фота прадастаўлена Ірынай СУПРАНОВІЧ
