На пляцоўцы Цэнтральнай плошчы Вілейкі распачаўся традыцыйны восеньскі гандаль ураджаем 2017 года. Сезон кірмашоў адчынены, і ўжо некалькі выхадных запар віляйчане могуць набыць тут усе неабходныя дары восені.
Сюды кожную суботу і нядзелю сезона будуць з’язджацца сельгасарганізацыі, прадпрыемствы, кааператары і фермеры з раёна. Восеньская гародніна і садавіна, саленні, мёд, свежае мяса і мясная кулінарыя, жывая рыба і іншае – усё гэта ў асартыменце можна купіць наўпрост у вытворцаў або нарыхтоўшчыкаў. Акрамя таго, на кірмашы прадстаўлены шырокі асартымент саджанцаў пладова-ягадных дрэў, дэкаратыўных і ягадных кустоў, расады трускаўкі і восеньскіх кветак. Цэны на сельгаспрадукцыю даступныя.
28 кастрычніка будзе арганізаваны рэгіянальны кірмаш з удзелам арганізацый і прадпрыемстваў суседніх раёнаў. Кірмашы працягваюцца.
Сяргей ГАНЧАР.
Фота аўтара і Вольгі Зенюк
