Яўген Полудзень нагадаў, што ўжо не адзін год такая зона існуе ў Віцебскай вобласці. Цяпер з’явілася аналагічная ініцыятыва ў Жыровічах (Гродзенская вобласць). Прычым у першым і ў другім выпадках стварэнне безалкагольнай зоны было ініцыіравана не без удзелу свяшчэннікаў.
Намеснік кіраўніка МУС падкрэсліў, што прафілактыкай злачынстваў павінны займацца не толькі органы ўнутраных спраў, але і мясцовая ўлада, установы аховы здароўя і г.д. Такое палажэнне замацавана ў заканадаўстве. Аднак на месцах яно пакуль не рэалізуецца ў поўнай меры. Таму тут шмат залежыць менавіта ад актыўнасці ўчастковых інспектараў, адзначыў Яўген Полудзень.
Паводле слоў намесніка міністра, служба участковых стала прэстыжнай, значна ўзрос і аўтарытэт участковых. Па-першае, яны больш за іншых супрацоўнікаў сустракаюцца з насельніцтвам. Ад участковых залежыць аўтарытэт усёй міліцыі. Акрамя таго, вельмі часта менавіта з былых участковых фарміруюцца іншыя службы. Бо на інспектара кладзецца вялікая нагрузка: штодзень ён павінен наведаць 5-6 сем’яў. Калі ў Мінску гэта не так складана, то ў раёнах даводзіцца пераадольваць вялікія адлегласці.
Як паведаміў Яўген Полудзень, за апошнія паўтара года некамплект участковых скараціўся да 5-6 працэнтаў, у той час як раней складаў 10-15 працэнтаў. Паводле яго слоў, быў прыняты шэраг стымулюючых мер для ліквідацыі некамплекту. Так, усе інспектары забяспечаны асобнымі рабочымі месцамі, атрымліваюць 30 працэнтаў надбаўкі да зарплаты. Для многіх з іх былі выдзелены кватэры. МУС імкнецца і да таго, каб участковы, асабліва ў вёсцы, меў службовы транспарт. Разам з тым, патрабаванні да ўчастковага будуць заставацца вельмі строгімі таму, што яны прадстаўляюць уладу на месцах. «Інспектары павінны працаваць празрыста і сумленна», — лічыць намеснік міністра.
Пачаты конкурс, на думку Яўгена Полудня, павінен стаць не толькі стымулам для далейшай работы, але і пляцоўкай для абмену перадавым вопытам, які, напэўна, ёсць у многіх участковых.
БелТА
