У мінулы чацвер у Мінску назвалі пераможцаў абласнога конкурсу праектаў ў сферы рэалізацыі дзяржаўнай маладзёжнай палітыкі, прысвечаны 70-годдзю Вялікай Перамогі і правядзенню Года моладзі ў Рэспубліцы Беларусь.
У цырымоніі ўзнагароджання прынялі ўдзел прадстаўнікі ўлады, вядомыя дзеячы культуры, алімпійскія чэмпіёны. Лепшых вызначалі ў сямі намінацыях. Гэта і прапаганда здаровага ладу жыцця, і патрыятычнае выхаванне моладзі, і падтрымка маладых сямей. Сярод лаурэатаў абластнога конкурсу праектаў у намінацыі “Падтрымка маладых сямей” і клуб маладой сям’і “Шчаслівыя разам”, які дзейнічае пры Вілейскім тэрытарыяльным цэнтры сацыяльнага абслугоўвання насельніцтва і аддзеле ідэалагічнай працы, культуры і па справам моладзі райвыканкама. Карэспандэнт “ШП” пабывала на ўрачыстым мерапрыемстве і далучылася да віншаванняў пераможцаў.
Кацярына КАРПІК.
Фота аўтара
