Так называюць паштальёна Марыю Мацяйковіч віляйчане, якіх яна абслугоўвае. Пра гэта расказала, патэлефанаваўшы ў рэдакцыю, пенсіянерка Ганна Наркевіч.
– Сямнаццаць гадоў працуе на нашым участку Марыя Вікенцьеўна, – расказала Ганна Віктараўна. – Жывём мы ў мікрараёне «Воўкаўшчына», і ўчастак у нашага паштальёна вельмі вялікі. Паспрабуй тут абыдзі ўсе вуліцы, асабліва ў непагоду… Няпроста. Аднак Марыя Вікенцьеўна на цяжкасці не наракае, заходзіць да людзей заўсёды ў добрым настроі і з усмешкай, дзелячыся сваім пазітывам з намі. Заўсёды знойдзе хвілінку, каб пагутарыць з чалавекам, выслухаць, нешта параіць. Таму чакаем мы нашу Машу заўсёды з нецярпеннем. Больш бы такіх светлых, пазітыўных людзей было – і намного лягчэй бы жылося…
Здавалася б, нічога звышнатуральнага – чалавек з душой, адказна робіць сваю справу. А вунь як цэняць гэта людзі. Значыць, вельмі важна гэта.
Ірына БУДЗЬКО
