Ганаровы работнік жыллёва-камунальнай гаспадаркі працуе ў Вілейцы

Такую высокую ўзнагароду атрымаў напярэдадні прафесійнага свята Міхаіл Палубятка.

15 год Міхаіл Уладзіміравіч працуе трактарыс­там участка “Спецаўтагаспадарка” ў гарадскім унітарным прадпрыемстве “Вілейская жыллёва-камунальная гаспадарка”. Яго агульны працоўны стаж налічвае 36 гадоў, а пачынаў сваю прафесійную дзейнасць Міхаіл Палубятка на Гродзеншчыне, дзе нарадзіўся.

15 год таму жыццёвыя шляхі-дарогі прывялі Міхаіла Уладзіміравіча на Вілейшчыну. Ужо даўно ў калектыве ён атрымаў прызнанне як спецыя­ліст. Цэняць Міхаіла Палубятку за адказ­насць, ініцыятыўнасць і, канечне, чалавечыя якасці. Вадзіцельскія катэгорыі A, B, C, D , F – паказчык высокай кваліфікацыі.

Ён можа кіраваць усімі спецыяльнымі грузазахопнымі механізмамі і прыстаасаваннямі, забяспечвае іх бесперабойную работу, ажыццяўляе своечасовае тэхнічнае абслугоўванне, рамонт. Сваімі ведамі і вопытам Міхаіл Уладзіміравіч дзеліцца і з маладымі кад­рамі прадпрыемства – важна, каб у сапраўдных спецыялістаў была дастойная змена.

Таццяна ШАРШНЁВА/Фота аўтара