З пачаткам вясенняга сезону распачалася праца па добраўпарадкаванні і прывядзенні ў належны стан прылягаючых тэрыторый арганізацый і прадпрыемстваў, грамадскіх тэрыторый і аб’ектаў. Работы па навядзенні парадку на зямлі распачаліся як у горадзе, так і на раёне. І няхай надвор’е крыху было пераменлівым, але занятым справай людзям гэта не перашкаджала. Прыбіраліся і добраўпарадкоўваліся тэрыторыі вытворчых і адміністрацыйных аб’ектаў, разбіваліся клумбы, падфарбоўваліся будынкі, афармляліся кроны дрэў, ліквідаваліся звалкі, рамантаваліся агароджы, наводзіўся парадак на памятных месцах… Усяго зробленага разам падчас суботнікаў і не пералічыць.
Аб’ектыў фотаапарата карэспандэнтаў зафіксаваў толькі некаторыя моманты, дзе працавалі з энтузіязмам і добрым настроем, які, канешне ж, дапамагае ў кожнай справе. Наводзілі парадак і ў гарадскім парку, і на вуліцах горада і раёна, адным словам, запланаванае падчас суботнікаў зроблена, але наперадзе яшчэ вялікая праца.
Вывад можна зрабіць адзін – вядома ж, добраўпарадкаваць усё за дзень наўрад ці магчыма, таму працаваць, наводзіць парадак трэба паўсядзённа і ўсім разам – супрацоўнікам арганізацый і прадпрыемстваў, школьнікам і пенсіянерам.
Падчас суботніку на Цэнтральнай плошчы праводзіўся і раённы кірмаш, які таксама распачаў чараду абласных і раённых кірмашоў. І тут настрою дабаўляў канцэрт творчай самадзейнасці Вілейскага Палаца культуры. Зычлівыя спевы і выступленні дадавалі эмацыянальнай прыўзнятасці і тым, хто наведаў кірмаш, і тым, хто працаваў побач ў гарадскім парку, чаму не перашкодзіў і кароткачасовы вясенні снег.
Сяргей ГАНЧАР.
Фота аўтара
Средняя школа №5
Средняя школа №1
Гимназия №1 «Логос»
Ильянская школа
Вилейский колледж
