Аграрыі Вілейшчыны заняты нарыхтоўкай кармоў. Надвор’е спрыяе гэтай важнай справе, і працаўнікі гаспадарак стараюцца скарыстацца кожнай пагодлівай гадзінай. Як паведамілі ва ўпраўленні па сельскай гаспадарцы і харчаванні Вілейскага райвыканкама, аграрыям раёна патрэбна скасіць 12085 гектараў траў першага ўкосу, на 7 чэрвеня было ўбрана 1492 гектары, што складае 12 працэнтаў да плана. Ідзе нарыхтоўка сенажу, яго на Вілейшчыне запланавана нарыхтаваць 118800 тон. На азначаную дату было закладзена 3596 тон, што складае 3 працэнты ад плана.
Лідзіруюць на зялёным жніве ААТ «Чурлёны», дзе ўбрана 29 працэнтаў ад запланаванага, філіял «Юнік-агра» (20 працэнтаў), ААТ «Нарачанскія зоры» (19 працэнтаў). Касавіца ў нашым раёне набірае тэмпы і пашыраецца. Жадаем поспехаў аграрыям у гэтай важнай справе!
Ірына БУДЬКО
