Шмат было арганізавана мерапрыемстваў у рамках акцыі «Да абароны Айчыны гатовы!». Мне ж найбольш спадабалася «Лядовае спаборніцтва», дзе я быў удзельнікам адной з каманд.
Яно праходзіла на школьным катку паміж зборнымі камандамі хлопчыкаў-хакеістаў 7-11 класаў.Спаборніцтва, як і ўсе падобныя спартыўныя мерапрыемствы нашай школы, пачалося з гімна і ўзняцця сцяга Рэспублікі Беларусь, што настроіла нас на ўрачыстасць і святочнасць. Мне было вельмі цікава ўдзельнічаць у лядовым спаборніцтве. Я хваляваўся за сваю каманду, бо хацелася, каб мы выйгралі. Тым больш, што гледачамі і балельшчыкамі былі амаль усе вучні і настаўнікі школы. А настаўнікі фізічнай культуры Уладзімір Габрыновіч і Аляксандр Шэры падрыхтавалі вельмі цікавыя новыя эстафеты. Спачатку мы спаборнічалі ў вядзенні шайбы. Затым вытрымлівалі выпрабаванне варатары, якія адбівалі шайбы процілеглай каманды. Павесялілі эстафеты, што праводзіліся паміж балельшчыкамі. За нашу каманду выступаў дырэктар школы Ігар Юшко. Ігар Аляксандравіч наперагонкі з настаўнікам замежнай мовы Іванам Іванавічам Міхалькевічам заганялі па лёдзе мячы ў вароты. А дзяўчынкі на катку перацягвалі канат. Шмат адрэналіну мы атрымалі, праходзячы эстафеты «Паравоз» і «Катанне на 
санках». Нас падтрымлівалі і балельшчыкі, гучна скандзіруючы назвы нашых каманд – «Ягуары» і «Барсы». У эстафеце «Трапны стралок» адзначыліся Павел Новік, Дзмітрый Ярашонак, Ілья Шалуха, Вадзім Альшэўскі, Яўген Станоўскі, Аляксей Шушкевіч, Павел Дударчык. Найбольшае задавальненне ўсім прынесла камбінаваная эстафета: вядзенне шайбы, перанос «раненых» на насілках, катанне на санках на хуткасць і іншыя. Напружанне, хваляванне, якое мы перажывалі, проста не перадаць словамі. Нават надвор’е спрыяла нашаму прыўзнятаму настрою: было марозна, але свяціла сонейка.
Па выніках усіх эстафет перамагла наша каманда «Ягуары». Усе атрымалі салодкія падарункі. Гэта мерапрыемства стала сапраўдным школьным святам, прысвечаным Дню абаронцаў Айчыны і Узброеных сіл Рэспублікі Беларусь. Яго мы запомнім надоўга.
Дзмітрый Мікуліч, вучань 7 «А» класа
ДУА «Ільянская агульнаадукацыйная
сярэдняя школа імя А.А. Грымаця»
Молодцы ильянцы, что используют ледовые катки для организации вот таких соревнований. Рады за вас. Мы даже немного завидуем вам. В Вилейке такого лет. Катки существуют. Но чтобы вот так, как вы (и знаю, что это не впервые в Илье) проходили соревнования — у нас такого нет. Да и катки желают лучшей доли. В центре города есть неплохой каток. Его и заливают, и чистят от снега. А вот каток возле торгового центра «Модульторг», простите, ужасный. Лёд там не ровный, волнами, местами — асфальт. Непонятно, для кого его так залили? Или, может, для чего? Возможно, что и для галочки. Обидно. Видела, что дети там всё же катаются. Но стало как-то страшновато за них. До числа 8 января (пока не началась оттепель) каток там был хороший и всегда было многолюдно. Район-то там густонаселённый. Но оттепель уже давно закончилась, нетрудно подсчитать, что больше месяца стоят морозы. Но почему-то районный отдел по спорту это не волнует. Да и выручка от проката коньков была бы неплохой! Уверена, со мною многие согласятся. Конечно, на улице уже весна. И вряд ли кто сейчас будет заниматься этим вопросом. Хотелось бы, чтобы к следующей зиме катки в городе поддерживались в надлежащем порядке!