У рамках 2-га этапу рэспубліканскай акцыі «Бяспека – у кожны дом!» работнікі Вілейскага раённага аддзела па надзвычайных сітуацыях ва ўстановах адукацыі «Вілейскі дзяржаўны каледж» і «Ильянскі дзяржаўны аграрны каледж» не толькі тэарэтычна, але і практычна азнаёмілі навучэнцаў аб пажарнай бяспекі.
У ходзе гутаркі была даведзена інфармацыя аб аператыўнай абстаноўцы ў вобласці, раёне, прыведзены прыклады пажараў з гібеллю людзей. Таксама праведзена тлумачальная праца па пытаннях бяспекі жыццядзейнасці. Акцэнтавалі ўвагу прысутных на тым, што асноўнай прычынай вогненных надзвычайных сітуацый з’яўляецца неасцярожнае абыходжанне з агнём. Прысутным быў прадэманстраваны відэафільм на супрацьпажарную тэматыку.
Для замацавання атрыманых навучэнцамі ведаў, была праведзена віктарына: «Дзе логіка?». Усім удзельнікам мерапрыемства былі раздадзеныя ўлёткі аб мерах пажарнай бяспекі.
Навучэнцы і выкладчыкі атрымалі шмат пазітыўных эмоцый!
Вілейскі РАНС
