Шмат гадоў на базе Ільянскай сярэдняй школы імя А.А. Грымаця працуе цікавы гурток «Юныя інспектары дарожнага руху» пад кіраўніцтвам аўтара гэтых радкоў.
Праграма гуртка распрацавана для правядзення заняткаў з дзецьмі ва ўзросце ад 11 да 14 гадоў. Асноўная мэта – набыццё ведаў па правілах дарожнага руху і паводзінах на вуліцы і дарозе.
Наяўнасць ў школе спецыяльна абсталяванага класа дазваляе пры навучанні дзяцей выкарыстоўваць перадавыя інавацыйныя тэхналогіі з прымяненнем камп’ютарных, тэле-, відэа- і аўдыёпраграм, магнітнай дошкі і іншай вучэбна-матэрыяльнай базы – усё гэта ў комплексе з практычнымі заняткамі стварае спрыяльныя ўмовы для атрымання глыбокіх і трывалых ведаў, замацавання практычных навыкаў бяспечнага ўдзелу ў дарожным руху.
Штогод каманда школы з’яўляецца пераможцай раённай алімпіяды па правілах дарожнага руху. Таксама на базе школы дзейнічае атрад “Юныя сябры міліцыі”, які сумесна з інспектарамі ДАІ праводзіць і ўдзельнічае ў акцыях “Флікер”, “Увага, дзеці!”, “Бяспечныя канікулы”, “Скрыжаванне” (правядзенне практычных заняткаў з вучнямі па вывучэнні правіл прымянення светлаадлюстроўваючых элементаў), распрацоўваюць бяспечныя маршруты пешаходнага руху.
Падчас удзелу ў конкурсе “Лепшы школьны аўтобус” юныя інспектары не толькі паказалі свае веды па правілах дарожнага руху, але стварылі буклет і нават брашуру па правілах перавозкі і паводзін у школьным аўтобусе.
Гурткоўцы кожны месяц абнаўляюць інфармацыю на стэндзе “Пусть дорога будет доброй!”, у якой адлюстроўваюць навіны школьнага жыцця і сваю гурткавую работу. Напрыканцы навучання яны дасканала ведаюць правілы дарожнага руху, спраўна прымяняюць іх у паўсядзённым жыцці, праводзяць гутаркі, практычныя заняткі, квэсты па прававым выхаванні і павышэнні ўзроўню сацыяльнай і прававой абароны сярод малодшых школьнікаў, а таксама выпрацоўваюць імкненне жыць па законах бяспекі, гатоўнасць абараніць сябе і іншых у надзвычайных сітуацыях.
Алена АКУЛІЧ, кіраўнік гуртка “Юныя інспектары дарожнага руху”
Belarusian
English
Russian