Улетку ў работнікаў сельскагаспадарчай галіны надыходзіць, мабыць, самы цяжкі і адказны этап, своеасаблівы вынік цэлага года працы — уборачная страда. Ад зладжанай працы сельгасработнікаў залежыць якасць і колькасць ураджаю. Але сярод гарачых будняй, трэба знаходзіць месца і адпачынку, хаця б на некалькі хвілін.
Таму, паўнавартасна адпачыць у працоўны дзень хлебаробам ААТ «Новая Любанія» дапамаглі работнікі культуры Куранецкага сельскага Дома культуры, выступіўшы перад працаўнікамі мехмайстэрні і зернатока з міні-канцэртнай праграмай пад назвай «Песні мы для Вас спяваем і ўраджай праслаўляем».
Кожная гадзіна для работнікаў уборачнай страды дарага, таму выступленне самадзейных артыстаў доўжылася нядоўга. Але і гэтага было дастаткова – прысутныя працаўнікі атрымалі ад песен зарад станоўчай энэргіі, бадзёрасці, паднялі дух і настрой. У іх гонар прагучалі песні ў выкананні ўдзельнікаў дзіцячага фальклорнага гурта “Дзіва” Куранецкага сельскага Дома культуры.
Развітваючыся, вядучая праграмы Наталля Дзік пажадала працаўнікам гаспадаркі, каб праца спорылася, жіво праходзіла лёгка і зладжана, а надвор’е толькі цешыла.