Традыцыйныя сельскагаспадарчыя кірмашы набіраюць абароты па ўсёй Беларусі. Восеньскі продаж пачаўся і ў Вілейскім раёне. Па добрай традыцыі кірмашы праводзяцца на Цэнтральнай плошчы г. Вілейкі кожныя выхадныя.
Прадукцыя сельгасвытворцаў нашага рэгіёна на кірмашах, дзе гандлююць бульбай, садавінна-агародніннай прадукцыяй, а таксама мёдам і іншымі прадуктамі пчалярства, жывой рыбай вельмі запатрабаваная жыхарамі Вілейшчыны.
8 кастрычніка ў Вілейцы пройдзе рэгіянальны кірмаш. У райцэнтр для гандлю прыедуць вытворцы з Вілейскага, Валожынскага, Лагойскага, Маладзечанскага і Мядзельскага раёнаў.
Акрамя таго, ажно да 5 лістапада ў Вілейцы будзе па выхадных праходзіць свой раённы кірмаш, дзе гандлююць сезоннымі гароднінай, мясной і малочнай прадукцыяй як гаспадаркі, так і фермеры.
Сяргей ГАНЧАР.
Фота Аляксея Камінскага
