Дзень, калі рэдакцыйны аўтамабіль пад’ехаў да бульбянога палетку недалёка ля Тураўшчыны, выдаўся сонечным. Як і той настрой,
з якім у «Новай Любаніі»
на ўборцы другога хлеба працавала брыгада ад аддзела занятасці райвыканкама.
Як расказаў брыгадзір паляводчай брыгады Алег Адамовіч, сёлета ў гаспадарцы пад бульбу было адведзена 20 гектараў, ураджайнасць з кожнага складае 150-160 цэнтнераў. І гэта, кажуць спецыялісты, нядрэнны вынік, калі ўлічваць, што ўмовы надвор’я для вырошчвання бульбы ў гэтым годзе былі неспрыяльнымі.
Старанна, з ахвотай, не губляючы ніводнай працоўнай хвіліны – такі тэмп працоўны дэсант выбраў сабе сам. Стымул просты: як папрацуеш – так і заробіш. Вядро за вядром – і вось ужо паўнюткая машына вязе «Брыз», гатунак беларускай селекцыі, з поля. У брыгады з’ўляецца час на непрацяглы адпачынак, каб з новымі сіламі ўбіраць другі хлеб. Надвор’е ж спрыяе.
Таццяна ШАРШНЁВА.
Фото Татьяны ШЕРШНЁВОЙ
віляйчанка Валянціна Склёміна з бульбай новага ўраджаю.
Belarusian
English
Russian