У глядзельнай зале кінатэатра «Мір» адбылася справаздачна-выбарная канферэнцыя Вілейскай раённай прафсаюзнай арганізацыі Беларускага прафсаюза работнікаў аграпрамысловага комплексу. Са справаздачай аб рабоце райкама прафсаюза работнікаў АПК выступіў яго старшыня Леанід Радзевіч. Дакладчык канстатаваў, што прафсаюзныя камітэты на працягу ўсяго справаздачнага перыяду бралі на сябе вырашэнне многіх сацыяльных праблем, абаранялі інтарэсы членаў прафсаюза перад наймітамі.
Ажыўленыя стасункі дэлегатаў ладзіліся ў фае, дзе дэманстраваліся відэасюжэты шматграннага і насычанага жыцця вёскі, падрыхтаваныя журналістамі раёнкі.
Марыя КУЗАЎКІНА
На здымку: (злева направа) дэлегаты канферэнцыі Уладзімір Судніковіч, Тамара Салавей, Вячаслаў Валасевіч у фае перад пачаткам мерапрыемства.
Фота аўтара
