Добрым павінна быць кожнае наша слова. У гэтым адзіныя майстры і аматары мастацкага слова, удзельнікі трэцяга раённага літаратурна-музычнага фестывалю «Светлае слова», вынікі якога былі падзведзены на гэтым тыдні ў Цэнтры эстэтычнага выхавання.
Мы, супрацоўнікі рэдакцыі, шчыра ўдзячныя за давер – бо ў ліку арганізатараў і мы.
«Калі адчуваеш слова душою і сэрцам, ты зможаш данесці яго да слухача і гледача», – адзначыла, адкрываючы ўрачыстасць, дырэктар Цэнтра эстэтычнага выхавання Таццяна Захарыч. І менавіта такія яны, пераможцы фестывалю, якіх узнагароджвалі за адданасць роднаму слову. У той вечар прагучала многа імёнаў і шмат яшчэ прагучыць, бо арганізатарамі запланавана своеасаблівае падарожжа па Вілейшчыне з прыемнай місіяй – адзначыць лепшых.
На наш погляд, важная задача фестывалю – пераемнасць. Пераемнасць традыцый і пакаленняў. І такі прыклад – творчы тандэм настаўніка Вілейскай гімназіі №2 Віктара Кажуры і яго ўнучкі Ангеліны Прохаравай, якой мы падрыхтавалі ў падарунак ад рэдакцыі выданне з асаблівай і справядлівай назвай – «Ад добрага кораня – добры парастак».
Таццяна ШАРШНЁВА/Фота Алены ЦІМАФЕЕНК
Больше фотографий можно посмотреть здесь
