У зборніку «Мая малая радзіма» (буктрэйлер) змешчаны міні-сачыненні пераможцаў інтэрнет-алімпіяды па беларускай мове для вучняў 4 класаў Мінскай вобласці.
Больш за 40 міні-сачыненняў змясцілі ў зборніку юныя аўтары з гарадоў і раёнаў Беразіно, Барысаў, Валожын, Дзяржынск, Жодзіна, Салігорск, Клецк, Вілейкі і інш.
Пра малую Радзіму разважаюць і вучні з гімназіі №1 «Логас», гімназіі №2 і школы №3, якія таксама ўвайшлі ў зборнік.
Невялікія пісьмовыя выказванні малодшых школьнікаў прасякнуты замілаванасцю сваёй роднай мясцінай, пачуццём павагі да сваіх землякоў.
Зборнік «Мая малая радзіма» – гэта своеасаблівы вынік працы настаўнікаў пачатковых класаў па патрыятычным выхаванні малодшых школьнікаў.
Ён можа быць выкарыстаны настаўнікамі і выхавацелямі ўстаноў агульнай сярэдняй адукацыі як на вучэбных занятках па беларускай мове і літаратуры, вучэбным прадмеце «Чалавек і свет», так і ў пазакласнай дзейнасці.
Знаёмства з міні-сачыненнямі дапаможа вучням пачатковых класаў зразумець асаблівасці пабудовы пісьмовых выказванняў патрыятычнай накіраванасці.
Азнаёміцца са зборнікам «Мая малая радзіма» (буктрэйлер) можна ў відэа
