Шлях Перамогі

Вилейская районная газета

Вілейскі камбікормавы завод заняў II месца ў спаборніцтвах санітарных дружын у Мядзельскім раёне

21 чэрвеня бягучага года на гарадскім пляжы праведзены раённыя спаборніцтвы санітарных дружын арганізацый Мядзельскага раёна.

У правядзенні спаборніцтваў прыняў удзел выконваючы абавязкі начальніка Мядзельскага раённага аддзела па надзвычайных сітуацыях Юрый Іванавіч Вашкінэль.

Асноўнай мэтай спаборніцтваў было праверыць гатоўнасць фарміраванняў медыцынскай службы грамадзянскай абароны арганізацый раёна да работы ў ачагах масавага паражэння пры ўзнікненні надзвычайных сітуацый ва ўмовах мірнага і ваеннага часу. Сандружыны спаборнічалі на пяці этапах: праверка табельнага аснашчэння санітарнай дружыны, праца санітарнай дружыны ў ачагах камбінаванага і хімічнага паражэнняў, праца санітарнай дружыны ў ачагу інфекцыйнага паражэння, тэарэтычны конкурс. Барацьба разгарнулася вельмі відовішчная! Сандружыны паказалі добрыя веды і практычныя навыкі па аказанні першай медыцынскай дапамогі насельніцтву ў ачагах масавага паражэння. Акрамя гэтага каманды паказалі свае творчыя здольнасці падчас конкурсу мастацкай самадзейнасці.

Месцы санітарных дружын у спаборніцтвах вызначаліся па агульнай колькасці атрыманых штрафных ачкоў і часу праходжання этапаў.

Прызавыя месцы размеркаваліся наступным чынам:

I МЕСЦА: санітарная дружына Нарачанскага філіяла адкрытага акцыянернага таварыства «Маладзечанскі малочны камбінат»;

II МЕСЦА: санітарная дружына свінагадоўчага комплексу «Брусы» філіял адкрытага акцыянернага таварыства «Вілейскі камбікормавы завод»;

III МЕСЦА: санітарная дружына адкрытага акцыянернага таварыства «Пруднікі-Агра».

Источник: МЧС Республики Беларусь

Полная перепечатка текста и фотографий без письменного согласия главного редактора "Шлях перамогі" запрещена. Частичное цитирование разрешено при наличии гиперссылки | Условия использования материалов
Яндекс.Метрика 141 queries