Увесь дзень, 11 верасня, на кожным участку для галасавання па выбарах дэпутата Палаты прадстаўнікоў Нацыянальнага сходу Рэспублікі Беларусь шостага склікання арганізаваны святочныя мерапрыемствы, культурна-творчыя праграмы і шырокі гандль.
Карэспандэнты ШП наведалі ўчасткі для галасавання і кожны з іх сустракаў выбаршчыкаў печывам і святочнымі канцэртамі.
На самых вялікіх участках культурна-творчыя праграммы працягваліся цэлы дзень. Былі прыцягнутыя шматлікія прафесійныя, самадзейныя, аматарскія народныя і эстрадныя, вакальныя і танцавальныя калектывы раёна. Кожнае задзейнічанае у выбарах ўстанова распрацавала індывідуальную творчую праграму, каб стварыць святочную і гасцінна абстаноўку на сваім выбарчым участку. У школах і ўстановах культуры, дзе былі арганізаваны выбарчыя ўчасткі прайшлі таксама шматлікія тэматычныя выставы майстроў і вырабаў дзіцячай творчасці.
Так, на Цэнтральным выбарчым участку № 9 у Палацы культуры з 11.00 да 16.00 выступалі такія творчыя калектывы, як «Элегія», «Суквецце», «Весялинка», «Бабіна лета», «Экспромт», а таксама салісты Дома культуры і Народнага хору ветэранаў .
Акрамя таго, у кожным сельскім Савеце былі прадстаўлены канцэртныя праграмы «Край мой верасовы …», «Вечны Жыві І Квітней Беларусь», «За квітнеючую Беларусь», «Квітней, зямля мая», «Мой родны край», што ладзіліся сельскімі дамамі культуры і ўстановамі адукацыі.
Па традыцыі, выбарчыя ўчасткі ў дзень выбараў былі забяспечаны гандлёвым абслугоўваннем, паўсюль працавалі буфеты грамадскага харчавання. Булачна-кандытарскія вырабы, прадукцыя ўласнай вытворчасці і іншыя харчовыя тавары для выбаршчыкаў былі прадстаўлены з мінімальнымі нацэнкамі і значнымі зніжкамі.
Сяргей ГАНЧАР, Кацярына КАРПІК.
Фота Сяргей Ганчар
