15 студзеня а 16 гадзіне ў выставачнай зале імя Н.Ю. Сілівановіча адбудзецца адкрыццё персанальнай выставы Наталлі Табушэвай “Фарбы лета”.
Наталля Табушэва – мастак, мастацтвазнаўца, нарадзілася ў Мінску. Скончыла Беларускую дзяржаўную акадэмію мастацтваў, а затым і магістратуру гэтай акадэміі. Свае працы яна прадставіла на сямі персанальных выставах у Полацку, Мінску, Заслаўі. Прымала ўдзел у больш чым 30 творчых мерапрыемствах, сярод якіх выставы работ студэнтаў Беларускай акадэміі мастацтваў, групавыя, рэспубліканскія, міжнародныя і замежныя выставы, пленэры і конкурсы. Удзельнічала ў сустрэчы творчай моладзі з Прэзідэнтам Рэспублікі Беларусь, а таксама з’яўляецца аўтарам, кіраўніком і ўдзельнікам пленэра “Дух гісторыі”.
Мастачка працуе ў жанры партрэта, нацюрморта, пейзаж і сюжэтнай кампазіцыі. Рэпрадукцыі работ Наталлі Табушэвай змешчаны ў многіх друкаваных выданнях. Яе творы знаходзяцца ў фондах Беларускай дзяржаўнай акадэміі мастацтваў, у прыватных калекцыях Беларусі, Расіі, Германіі і ЗША.
Надзея АЎДЗЕЙ, навуковы супрацоўнік музея
