У раёне завяршаецца комплекс палявых работ. Аб чым сведчаць даныя аператыўнай інфармацыі райсельгасупраўлення. Самая актуальная на сёння праблема – уборка кукурузы, пасевы якой маюцца ва ўсіх сельгасарганізацыях раёна. Інакш і быць не можа: дбайны гаспадар заўсёды клапоціцца аб кармавым стале наяўнага пагалоўя. А кукурузны сілас – важкая прыбаўка да рацыёну буйной рагатай жывёлы. Найбольш высокаўраджайнай аказалася гэта культура ў «Нарачанскіх зорах» (358,6 цэнтнера залёнай масы з гектара). Аддзячыла каралева за клопат буйным сцебластоем і пачаткамі хлебаробаў «Новай Любаніі», «Сцешыц», філіяла «Усходні». Уборка кукурузы ўступіла ў сваю завяршальную стадыю. Аб гэтым сведчыць прадстаўленая газеце сельгасупраўленнем інфармацыя. Марыя КУЗАЎКІНА
