Гэта можа пацвердзіць бібліятэкар школы № 3 Валянціна Літвіновіч, якая неаднаразова выходзіла пераможцай у конкурсах, якія ладзіла газета «Мінская праўда» сумесна з пасольствамі В’етнама, Ірана, Італіі. А зусім нядаўна Валянціну Іванаўну запрасілі у пасольства Рэспублікі Сербіі ў Беларусі, дзе ўшаноўваліся пераможцы конкурсу «Ці ведаеце вы Сербію?» Як вы здагадаліся, Валянціна Іванаўна была ў іх ліку. Вельмі цікавай і запамінальнай была сустрэча з Надзвычайным і Паўнамоцным Паслом Рэспублікі Сербіі Велькам Кавачавічам, які многа расказваў і пра супрацоўніцтва дзвюх нашых краін, і пра сваю радзіму.
– Віртуальна я пабывала ў многіх краінах, – падзялілася Валянціна Літвіновіч. – Ведаю пра іх культуру, абрады, цікавыя мясціны. А гэта так цікава.
Падрыхтавала Ірына БУДЗЬКО
